एजेन्सी-इंग्लयान्डका तथा टोटनह्यामका फरवार्ड ह्यारीकेले स्विजरल्यान्डविरुद्ध मंगलबार हुने खेल नखेल्ने भएका छन् ।
रुसी विश्वकपका गोल्डेन बुट विजेता केनललाई मुख्य प्रशिक्षक ग्यारेथ साउथगेटले विश्राम दिएको अन्तराष्ट्रिय सञ्चार माध्यमले जनाएको छ । २५ बर्षीय केनले रुस विश्वकपमा सर्वाधिक ६ गोल गर्दै गोल्डेन बुट जितेका थिए । उनले इंग्लयान्डका लागि यु–१७ देखी हाल सम्म ६१ खेल खेली सिकेका छन् ।
नेशन्स लिगको पहिलो खेलमा उत्कृष्ट प्रदर्शन गरेका केनलाई आरामको आवश्यता रहेकाले उनलाई मैत्रिपुर्ण खेलमा नराखिएको प्रशिक्षक ग्यारेथ साउथगेटले जानकारी दिए ।
उनले भने ‘आराम गर्नु उनका लागि यो राम्रो अवसर हो ।’ साउथगेटले केनले मैत्रिपुर्ण खेलमा आराम गरे नेशन्स लिगको अन्य खेलमा सहज हुने बताएका छन् ।
केनको कप्तानीमा रहेको इंग्ल्याण्डले नेशन्स लिग अन्तर्गतको आफ्नो पहिलो स्पेनविरुद्धको खेलमा २–१ ले हार बेहोरेको थियो । त्यस्तै मैत्रिपुर्ण खेलमा डेन अलीपनि नखेल्ने भएका छन् । उनि पनि चोटका कारण आराम गरिरहेका छन् ।
२५ बर्षे टोटनह्यमका स्ट्राइकर केन र डेन नखेल्ने भए पनि इंग्ल्याण्डलाई खासै दबाब नपर्ने प्रशिक्षक साउथगेट बताउछन् । अली र केनको स्थानमा अन्डर २१ टिमका बेन चिलवेल र डिमारे ग्रेलाई मौका दिईने प्रशिक्षकले प्रष्ट पारेका छन् ।
प्रकाशित: Dec 31, 2017| 18:23 आइतबार, पुस १६, २०७४