स्पेनविरुद्धको खेलमा केनले गोल्डेन बुट लगाउने 

स्पेनविरुद्ध शनिबार हुने अन्तर्राष्ट्रिय मैत्रीपूर्ण खेलमा इंग्ल्यान्डका कप्तान ह्यारी केनले गोल्डेन बुट लगाउने भएका छन् । रुसमा सम्पन्न विश्वकपमा ६ गोल गर्दै उनले सर्वाधिक गोलकर्ता बन्दै गोल्डेन बुट पाएका थिए । केनले विश्वकपमा ६ गोल गरेपनि भित्रदेखि खुसी नभएको खुलासा गरे । 

केनले विश्वकपपछि समर्थकहरुले टोलीबाट अपेक्षा गर्नु पनि जायज रहेको बताए । इंग्ल्यान्ड सन् १९६६ पछि पहिलो पटक विश्वकप सेमिफाइनलसम्म पुगेको थियो । ‘अब टोलीमा केहि थप दबाब छ । यो राम्रो कुरा पनि हो । प्रतियोगितामा दबाब झेल्दै अगाडी बढ्द अझै राम्रो प्रदर्शन गर्न सकिन्छ,।’

उनले भने, ‘म त्यसबेला एकदम फिट थिएँ । मैले विश्वकपमा अझै धेरै गोल गर्नुपर्ने थियो । मैले केहि राम्रो गोल गरे तर केहि अवसर मैले गुमाएँ । मैले अझ राम्रो खेल्न सक्थें ।’ उनले विश्वकपमा गोल्डेन बुट जित्नु व्यक्तिगत रुपमा भने निकै ठुलो सफलताका रुपमा लिएका छन् ।

मैत्रीपूर्ण खेलको अघिल्लो दिन नै रंगशालाको सबै टिकट सकिनु सकारात्मक पक्ष भएको केनले बताए ।