मैत्रिपुर्ण खेलमा ब्राजिल र अर्जेन्टिनाको सहज जित : नेयमारको गोल  

एजेन्सी-अन्तराष्ट्रिय मैत्रीपूर्ण खेलमा ब्राजिलले अमेरिकामाथि २-० को सहज जित निकालेको छ । ब्राजिलको जितमा कप्तान नेयमार र फिर्मिनोले एक एक गोल गरे । दुवै गोल पहिलो हाफमा सम्भव भएको थियो । न्यु जर्सीमा शनिबार बिहान भएको खेलमा ब्राजिलले रोबर्टाे फिर्मिनोको गोलबाट अग्रता बनाएको थियो । फिर्मिनोले डुगलस कोस्टाको क्रस पासमा पोस्ट नजिकैबाट गोल गरेका थिए ।

घरेलु टोलीलाई दवावमा राखेपनि ब्राजिलले त्यसपछि गोल गर्न ४३ औं मिनेट कुर्नुपरेको थियो । स्टेफनले पेनाल्टी बक्समा नेयमारलाई लडाएपछि ब्राजिलले पेनाल्टीको मौका पाएको थियो । जसमा नेयमार चुकेनन् । पहिलो हाफमा २-० को अग्रता बनाएको ब्राजिलले दोस्रो हाफमा गोल गर्ने प्रयास गरेपनि सफल हुन सकेन । यता घरेलु टोलीले गोलका केही मौकाहरु खेर फाल्दा २-० ले पराजित हुन पुग्यो ।

शनिबार बिहान नै भएको अर्को मैत्रीपूर्ण खेलमा उरुग्वेले मेक्सिकोमाथि ४-१, कोलम्वियाले भेनेजुएलामाथि २-१, इकुयाडरले जमाइकामाथि २-० र स्टार खेलाडी मेस्सी बिना मैदान प्रवेश गरेको अर्नेनिटनाले ग्वाटेमालाई ३-० ले पराजित गरेको हो ।