भोलि नेपालले बंगलादेशको सामना गर्दै 

काठमाडौं- बंगलादेशमा जारी १२ औं साफमा नेपालका लागि शनिबारको महत्वपुर्ण रहेको सहायक प्रशिक्षक किरण श्रेष्ठले बताएका छन्। 

शनिबारको पहिलो खेल महत्वपुर्ण छ। प्रशिक्षक श्रेष्ठले भने, ‘शनिबारको पहिलो खेलमा पाकिस्तानले हारे नेपालले बराबरी खेल्दा समूह चरण पार गर्ने छ । तर, पाकिस्तानले भुटानकाथि जिते नेपाललाई जित्नै पर्ने दबाब रहनेछ।

शनिबार नेपालले आयोजक राष्ट्र बंगलादेशको सामना गर्दै छ। बंगलादेश दुबै खेलमा जित हात पार्दै समूह ए को शिर्ष स्थानमा छ। पहिलो खेलमा पाकिस्तानसँग २-१ ले पराजित भएको नेपाल आफ्नो दोस्रो खेलमा जित निकाल्दै समूह चरण पार गर्ने आशा जिवित राखेको थियो। 

आफ्नो दोस्रो खेलमा नेपालले भुटानलाई ४-० को फराकिलो अन्तरले पराजित गरेको थियो। पहिलो खेलमा राम्रो खेल्दा खेल्दै हार्नु परेको अनुभबलाई लिएर दोस्रो खेलमा भुटानसँग पराकिलो अन्तरले जित्नु नेपाली टोलीको जित्ने आधार रहेको प्रशिक्षक श्रेष्ठले बताएका छन्। 

टिम समान स्तरको रहेको तथा खेलाडीमा कुनै चोट नभएइकाले शनिबारको खेल जित्ने अर्को आधार रहेको प्रशिक्षक श्रेष्ठले बताएका हुन्। पहिलो म्याच हेरेर खेलको रणनीति बनाउने र पुरानै शैलीमा शनिबारको खेल खेलाउने समेत प्रशिक्षक श्रेष्ठले जानकारी दिए।