प्रदिप र लक्ष्मण राखेपको उत्कृष्ट कर्मचारी घोषित 

काठमाडौं- प्राविधिकतर्फ सुटिङ्गका प्रशिक्षक प्रदिप खाती र प्रशासनतर्फ पश्चिमाञ्चल खेलकुद बिकास समितिका प्रशासकिय अधिकृत लक्ष्मण योगी उत्कृष्ट कर्मचारी घोषित भएका छन्।

राष्ट्रिय खेलकुद परिषदको ५५ औं बार्षिकोत्सवको अवसरमा उनीहरुलाई उत्कृष्ट घोषणा गर्दै नगद २५ हजार र सम्मान पत्र सम्मान गरे। यस्तै उत्कृष्ट कर्मचारीमा प्राविधिक तर्फ तेक्वान्दो सहायक प्रशिक्षक नोर्वु लामा र प्रशासन तर्फ प्रशासकिय अधिकृत कमल दाहाल रहे। 

उनीहरुले सम्मान पत्रका साथै नगद १५ हजार प्राप्त गरे। यसै गरि प्राविधिक तर्फ कराते सहायक प्रशिक्षक कुन्ति गुरुङ्ग र प्रशासन तर्फ ना.सु. गोपाल बस्नेत परिषद् सेवा सम्मानबाट सम्मानित भए। उनीहरुले जनही १० हजारका साथै सम्मान पत्र प्राप्त गरे।

त्यस्तै खेलकुद दिवसको अवसरमा आयोजना गरिएको महिला-पुरुष युगल ब्याडमिन्टन प्रतियोगिता, महिला पुरुष टेबल टेनिस तथा म्युजिकल चियर महिला÷पुरुषका बिजयी खेलाडीहरुलाई नगद सहित प्रमाण पत्र प्रदान गरियो। 

विजेतालाई क्रमश पहिलो हुनेलाई ५ हजार, दोश्रोलाई ३ हजार तथा तेश्रो हुनेलाई नगद २ हजार सहित प्रमाण पत्र प्रदान गरिएको थियो। बिजयी खेलाडीहरुलाई राष्ट्रिय खेलकुद परिषदका सदस्य सचिव केशव कुमार बिष्टले पुरस्कार बितरण गरेका थिए।