एशिया कप छनोट खेलेर नेपाली टिम स्वदेश फर्कियो 

काठमाडौं- एशिया कप छनोट क्रिकेट खेलेर नेपाली टिम शुक्रबार स्वदेश फर्किएको छ। 

मलेसियामा भएको छनोट प्रतियोगिता खेलेर नेपाली टोली मध्यान्न सवा १२ बजे काठमाडौंको अन्तराष्ट्रिय बिमान स्थलमा आइपुगेका थियो। 

नेपाली टिमसंगै युवा लेग स्पिनर सन्दिप लामिछाने समेत काठमाडौं फर्केका छन्। एशिया कपको निराशाजनक प्रर्दशनसंगै नेपाली टिम स्वदेश फर्केको हो। 

पहिलो खेलमा ओमानसंग ७ विकेटले पराजित नेपाल दोस्रो खेलमा युएईसंग ७८ रनको फराकिलो हार बेहोरेको थियो। 

तेस्रो खेलमा मलेसियालाई १९ रन र चौथो खेलमा सिंगापुरलाई ४ विकेटले पराजित गर्दै छनोटका दुई जितेको नेपालले आफ्नो निर्णायक खेलमा हङकङसंग ३ विकेटले पराजित भएके थियो। त्यसपछि नेपाली टिम प्रतियोगिताबाट बाहिरिएको थियो। अन्तिममा उपाधि भिडन्तमा युएईलाई हराउदै हङकङ एशिया कपकालागि छनोट भएका थियो।