काठमाडौं- प्रतिनिधिसभा र प्रदेशसभाको मंसिर ४ मा हुन गइरहेको निर्वाचनमा नेकपा (एमाले) र जनता समाजवादी पार्टी (जसपा) बीच गठबन्धन हुने भएको छ। दुई पार्टीले सिट बाँडफाँटको पनि टुंगो लगाएका छन्।
शनिबार बिहान एमाले अध्यक्ष केपी शर्मा ओली र जसपा अध्यक्ष उपेन्द्र यादवले सिट बाँडफाँटको सहमतिपत्रमा हस्ताक्षर गरेका छन्। सहमतअिनुसार प्रतिनिधिसभामा एमालेले जसपालाई १७ सिट दिने भएको छ।
सत्ता गठबन्धनमा भनेजति सिट नपाएपछि जसपा एमालेसँग मिल्न गएको हो। एमालेसँग तालमेलको तयारीमा रहेको लोसपा भने सत्ता गठबन्धनमा सामेल भएको छ।