सुजन र सुनिलको जोडी विजयी

ललितपुर- ललितपुर जिल्ला खेलकुद विकास समितिका सुजन खतिवडा तथा सुनिल योञ्जनको जोडी राष्ट्रिय खेलकुद परिषद्को ५५ औं बार्षिकोत्सव खेलकुद दिवसको अवसरमा आयोजित ब्याडमिन्टन पुरुष युगलको उपाधी जित्न सफल भएका छन्।

खतिवडा र योञ्जनको जोडीले राष्ट्रिय खेलकुद परिषद् खेलकुद बिज्ञान प्रतिष्ठानका तुलसी नारायण महर्जन र बिकास बिक्रम शाहको जोडीलाई २१–१९, २१–११ ले पराजित गर्दै जित हात पारेका हुन्। 

तेश्रो स्थानमा गत बर्षका बिजेता युवा तथा खेलकुद मन्त्रालयका लक्ष्मी प्रसाद भट्टराई र सागर सिग्देलको जोडी तथा केन्द्रका फणिन्द्र पौडेल र श्याम अधिकारीको जोडी रहे।

यस्तै महिला तर्फको उपाधी खेलकुद बिज्ञान प्रतिष्ठानकी रिता मैया प्रजापती र तालिम तथा प्रशिक्षण विभागकी रेखा बस्नेतको जोडीले हात पार्‍यो। 

प्रजापती र बस्नेतको जोडीले ललितपुर जिल्ला खेलकुद बिकास समितिका रिता चौलागाई र बिमला जोशीको जोडीलाई २१-१३ र २१-१२ ले पराजित गर्‍यो। केन्द्रका राधा श्रेष्ठ र सरस्वती केसी को जोडी र सिता अधिकारी र गुञ्जु गुरुङ्गको जोडीले तेश्रो स्थानमा चित्त बुझायो।