रोनाल्डो प्रस्थानले रियललाई घाटा : मेस्सी

एजेन्सी–अर्जेन्टिना तथा बार्सिलोनाका स्टार खेलाडी लियोनल मेस्सीले पोर्चुगिज स्टार क्रिस्टियानो रोनाल्डोको युभेन्ट्स प्रस्थानले रियल मड्रिड कमजोर भएको बताएका छन् । रियल मड्रिडमा पुर्व प्रशिक्षक जिनेदिन जिदानसँग लगातार तीन च्याम्पियन्स लिग उपाधि जितेसँगै उनी ८८ मिलियन पाउण्डमा युभेन्ट्स पुगेका थिए ।

रियलले एथलेटिको मड्रिडसँग आफ्नो सुपर कपको उपाधि गुमाउन पुगेको थियो । तर, यस सिजनको ला लिगामा भने आफ्ना शुरुवाती तीन खेलमा जित हात परेकोछ । हाल रियलसँय नयाँ प्रशिक्षक जुलेन लोपेटेगुइ छन् । उनले रियलमा नियुक्ती भएसँगै स्पेनिस राष्ट्रिय टोलीको प्रशिक्षकबाट राजिनामा दिएका थिए ।

कटालुन्य रेडियोसँग कुरा गर्दै वास्तविक रोनाल्डो बाहिरिनुले रियल कमजोर बनेको छ भने हाल युभेन्ट्समा सुधार अएको मेस्सीले भने । 

‘रियल मड्रिड विश्वको सबैभन्दा राम्रो टिम मध्य एक हो । तर, रोनाल्डो बिना रियल त्यती राम्रो देखिदैन् र हाल च्याम्पियनस लिग जित्ने मध्यमा युभेन्ट्स एक बनेको छ ।’ उनले थपे, ‘मलाई आश्चर्याचकित पारे । मैले विश्वास गरेको थिएन की उनी रियल छोडेर युभेनट्स जाने छन् । उनलाई चाहने धेरै टिम थिए । तर, म आश्चर्यचकित भएपनि उनी एक राम्रो टिममा पुगेका छन् ।’

अब बार्सिलोनासँग च्याम्पियनस लिग जित्ने मौका रहेको मेस्सीले बताएका छन् । जसमा उनले बार्सामा रहेर चार पटक च्याम्पियनस लिग उपाधि जितेका छन् ।

उनले पछिल्लो पटक २०१५ मा च्याम्पियन्स लिग जितेका थिए । पछिल्ला तीन बर्ष लगातार क्कवार्टरफाइनलबाट बाहिरिएको बार्साका  लागि यो बर्ष राम्रो टिम भएकाले च्याम्पियनस लिग जित्न सक्ने मेस्सीको दावी छ ।