साफ च्याम्पियनसिपमा नेपाल र पाकिस्तान भिड्दै

काठमाडौं-दक्षिण एसियाली राष्ट्रहरुबीचको सबैभन्दा प्रतिष्ठित फुटबल प्रतियोगिता साफ च्याम्पियनसिपको उद्घाटन खेलमा आज नेपाल र पाकिस्तान भिड्दैछन् । 

साफ च्याम्पिनयसीपको १२औं संस्करण आजबाट बंगलादेशमा शुरु हुँदैछ । अहिले सम्म सेमिफाइलभन्दा अघि बढ्न नसकेको नेपालले यो पटक आफ्नो पहिलो खेलमा पाकिस्तानको सामना गर्दैछ । खेल नेपाली समय अनुसार पौने चार बजे हुनेछ ।

त्यसपछि नेपालले बिहिबार भुटान तथा शनिबार आयोजक बंगादेशको सामना गर्दैछ । सन् १९९३ मा सार्क गोल्डकपका नामले शुरु भएको यो प्रतियोगिता १९९७ मा नेपालमा आयोजना भएपछि साफ च्याम्पियनसिप बन्न पुगेको थियो । 

त्यसयता यो प्रतियोगिता साफ गोल्डकप, साफ कोकाकोला गोल्डकप हुदै साफ सुजुकी कपको नामले पनि चिनिन्छ । समूह ‘ए’ मा रहेको नेपालसँगै आयोजक राष्ट्र बंगलादेश, भुटान र पाकिस्तान रहेका छन् । नेपालले समूह चरणको आफ्नो दोस्रो खेल बिहीबार भुटानसँग खेल्दै छ । त्यस्तै तेस्रो खेल शनिबार बंगलादेशसँग खेल्नेछ ।