युभेन्ट्समा रोनाल्डो गोल बिहिन रहँदा जुनियर रोनाल्डोको ४ गोल

एजेन्सी-टुरिन-पोर्चुगिज स्टार खेलाडी क्रिस्टियानो रोनाल्डोलाई यस सिजनको इटालियन क्लब युभेन्ट्स स्तान्तरण राम्रो बितिरहेको छैन् । 

पाँच पटकका बेलोन डिओर विजेता रोनाल्डो गत साता युइएफए प्लेयर आफ दि इयरको उपाधि जित्नबाट समेत बन्चित रहेका थिए । 

यो सिजन सिरी–ए का तीन खेल खेल्दा समेत रोनाल्डोले आफ्नो डेव्यु गोल गर्न सकेका छैनन् । जुन गोल आफ्नो नयाँ क्लबका लागि पहिलो गोल हुने छ । 

तर, यता उनको स्थानका लागि हेरीएका पुर्व क्लब रियल मड्रिडका खेलाडीले गोल गरि सकेका छन् । त्यती मात्र हैन । 

युभेन्ट्सको यु–९ टिममा डेव्यु गरेका उनका छोरा जुनियर रोनाल्डोले आफ्नो डेव्यु खेलमा चार गोल गरेका छन् । 

आइतबार इटली मिडिया रिपोर्टका अनुसार आफ्नो बुबाको प्रसिद्ध जर्सी नम्बर ७ लगाएका जुनियर रोनाल्डोले लुसेन्टोविरुद्ध चार गोल गरेका छन् । जहाँ यु–९ युभेन्ट्स क्लब ५–१ ले विजय भएको थियो ।

रोनाल्डो सिनियर युभेन्ट्सका लागि आफ्नो पहिलो तीन खेलमा गोल गर्न सकेनन् । 

उनको पर्मासँगको तेस्रो खेलमा पोर्चुगलका प्रधानमन्त्रि एन्टोनिओ कोस्टा उपस्थित थिए । सोहि खेल युभेन्ट्सले २–१ ले जित हात पारेको थियो । यस दौरान उनले २४ पटक गोल पोस्ट तिर प्रहार गरेपनि गोल गर्न भने असफल रहे ।