दृष्टिविहीन क्रिकेटको उपाधी शिखरलाई

सुर्खेत-कर्णाली प्रदेशमै पहिलो पटक सुर्खेतमा आयोजना गरिएको दृष्टिविहीनहरुको उपाधि शिखर मावि रामघाटको पोल्टामा परेको छ । टस जितेर पहिले ब्याटिङ्ग गरेको शिखर माविले बागेश्वरी मावि राकमलाई १३ रनले हराएको उपाधि चुमेको हो । 

शिखरले ५ ओभरमा दुई विकेट गुमाएर ४१ रन बनाउन सफल भयो । ४२ रनको लक्ष्य पछ्याएको बागेश्वरीले ५ ओभरमा ६ विकेट गुमाएर २९ रनमा समेटिन पुग्यो ।
 
प्रतियोगितामा प्रथम भएसँगै शिखरले नगद ५ हजारसहित ट्रफी, मेडल र प्रमाणपत्र प्राप्त गरेको छभने उपविजेता राकमले नगद ३ हजारसहित टर्फी, मेडल र प्रमाणपत्र प्राप्त गरेको छ ।

प्रतियोगिता पाईनियर वहुउद्देश्यीय सहकारी संस्थाको १५ वार्षिकोत्सवको अवसरमा आयोजना गरिएको संस्थाका युवा तथा खेलकुद उपसमिती संयोजक रमेश तुलाधरले जानकारी दिए ।