काठमाडौं– दर खाने दिन सोमबार काठमाडौं उपत्यका ट्राफिक प्रहरी कार्यालयले ट्राफिक नियम उल्लंघन गर्ने ३ हजार १ सय १६ जनालाई कारबाही गरेको छ।
काठमाडौंका विभिन्न स्थानमा गरिएको जाँचका क्रममा ती सवारी चालक कारबाहीमा परेका हुन्। कार्यालयका अनुसार कारबाहीम पर्नेमा मादक पदार्थ सेवन गरी सवारी चलाउने १ सय ७६, लेन मिचेर सवारी चलाउने १ सय १७, रातो बत्तीको पालना नगर्ने २ सय ३०, हर्न निषेध क्षेत्रमा हर्न बजाउने ३ सय १२, नम्बर प्लेट नबुझिने तथा स्वरुप परिवर्तन गर्ने ६८ जना र अन्य विभिन्न कसुरमा २ हजार २ सय १३ चालक रहेका छन्।
कार्यालयले ट्राफिक नियमको पालना गरी सवारीसाधन चलाउन सबैलाई आह्वानसमेत गरेको छ।