बानेश्वरबाट पार्किङ क्षेत्रका संरचना हटाउने अभियान सुरु [८ तस्बिर]

काठमाडौं- काठमाडौं महानगरपालिकाले अन्डरग्राउन्ड पार्किङ क्षेत्रमा सञ्चालित पसल हटाउने अभियान थालेको छ। नक्सा पास गर्दा सवारीसाधनको पार्किङ गर्नका लागि भन्दै अनुमति लिने तर त्यस्ता स्थानमा व्यापार व्यवसाय सञ्चालन गरेको पाइएपछि महानगरले संरचना भत्काउन थालेको हो। 

पार्किङ क्षेत्र  खाली गर्न महानगरले एक महिनाअघि नै सूचना प्रकाशित गरेर समय तोकेको थियो। तर अटेर गरेर पसल नहटाएपछि सोमबारदेखि पसल रहेका स्थान भत्काउन थालेको हो। सोमबार काठमाडौंका मेयर बालेन शाहसहितको टोली अन्डरग्राउन्ड पार्किङ क्षेत्रको अनुगमनमा पुगेको थियो।

बानेश्वर क्षेत्रमा रहेका ७१ वटा अन्डरग्राउन्ड पार्किङमध्ये २१ वटाले मात्र नक्सा पासअनुसार काम गरेको पाइएको छ। बाँकी सबैले पार्किङ क्षेत्रमा पसल चलाउन भाडामा दिएका छन्। अनुमति विपरीत सञ्चालित सबै पसल हटाइने महानगरले बताएको छ। 

तस्बिरहरू: