‘बूढो समय’ लिएर आए बाबुराम

काठमाडौं- कवि बाबुराम श्रेष्ठ ‘यात्री’को कविता संग्रह ‘बूढो समय’ विमोचन भएको छ। शनिबार राजधानीमा आयोजित कार्यक्रममा कृतिकार बाबुराम श्रेष्ठ ‘यात्री’, गीतकार डा. कृष्णहरि बराल,  ज्ञानु अधिकारी, महेश पौड्याल र सुरेश किरणले संयुक्त रुपमा पुस्तकको लोकापर्ण गरेका हुन्। 

गीतकार डा. कृष्णहरि बरालले यात्रीको कविताहरूमा प्रगतिवादी धारको चर्चा गरे। उपत्यकाको सांस्कृतिक सम्पदा र ऐतिहासिक पुरातत्वमाथि अखबारी लेखन गर्दै आएका कविले‘ काठमाडौंहरू’ शीर्षकको कवितामाथि असहमति नै जनाएका छन्। 'काठमाडौंले कसलाई चुसेको छ? म काठमाडौंमा जन्मिएको मानिस हुँ। म सोच्छु बाहिरका मानिसले हामीलाई पो चुसिरहेको छ कि?’

लेखक तथा समालोचक महेश पौडेलले यात्रीले सहरभन्दा टाढा ग्रामीण बस्तीका अनुभूतिलाई कवितामा उतारिएको भन्दै प्रशंशा गरेका थिए।

सिन्धुलीको विजयछापमा जन्मिएका कवि यात्री मरिण बहुमुखी क्याम्पस र कपिलाकोट माध्यमिक विद्यालयमा पढाउँछन्।