बाढीपहिरो पीडितको उचित व्यवस्थापन गर्न सांसदद्वारा सरकारको ध्यानाकर्षण

काठमाडौं- बाढीपहिरो पीडितको उद्धार, राहत र स्वास्थ्योपचारको व्यवस्था गर्न सांसदहरूले सरकारको ध्यानाकर्षण गराएका छन्। 

प्रतिनिधिसभाको आइतबारको बैठकमा शून्य समयमा बोल्दै सांसदहरूले पछिल्लो दिनमा परेको वर्षासँगै आएको बाढीपहिरो पीडितलाई उद्धार, राहत र स्वास्थ्योपचारको व्यवस्था गर्न सरकारको ध्यानाकर्षण गराएका हुन्। 

उद्धार र राहतमा खटिएका जनशक्ति पर्याप्त नरहेको भन्दै उनीहरूले तत्काल बाढीपहिरो प्रभावित क्षेत्रमा पर्याप्त जनशक्ति खटाइ पीडितलाई उचित बासस्थान र राहतको व्यवस्था गर्न सांसदहरूको माग छ।

सांसद शेरबहादुर तामाङले सिन्धुपाल्चोकको मेलम्चीमा पहिरो गएको र पहिरोले बाटो अवरुद्ध हुनुको साथै ३३ घर जोखिममा परेको भन्दै सरकारको ध्यानाकर्षण गराए। उनले जोखिममा रहेको बस्तीका जनताको उचित व्यवस्थापन गर्न माग गरेका छन्। 

सांसदहरूमा लक्ष्मी परियार, लालप्रसाद साँवा लिम्बू, लालबहादुर थापा, विद्या भट्टराई, वीनाकुमारी बुढाथोकी, विद्या भट्टराईलगायतले बाढीले आफ्नो जिल्लामा पुर्‍याएको क्षतिबारे संसदलाई जानकारी गराएका थिए।