जापान पुगेका प्रचण्डलाई राजदूत सुवेदीले गरे स्वागत

काठमाडौं- नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्ड जापान पुगेका छन्। 

पाँच दिने भ्रमणका लागि प्रचण्ड गएराति नेपाल एअरलाइन्सको विमानबाट जापान प्रस्थान गरेका प्रचण्ड त्यहाँ पुगेका छन्।

प्रचण्डसहित टोलीमा प्रमुख स्वकीय सचिव गङ्गा दाहाल, स्वकीय सचिव रमेश मल्ल र प्रेस संयोजक सूर्य किरण पनि रहेका छन्। 

स्वकीय सचिव मल्लका अनुसार प्रचण्डलाई जापान टोकियोस्थित नारिता विमानस्थलमा जापानका लागी नेपाली राजदूत दुर्गाबहादुर सुवेदीलगायत दूतावासका अधिकारीले स्वागत गरेका छन्।

नेपाली जन प्रगतिशील मञ्च जापानको निमन्त्रणामा जापान गएका प्रचण्डले त्यहाँ विभिन्न कार्यक्रममा भाग लिने कार्यक्रम छ। प्रचण्डले आज जापानको फुकुओकामा हुने नेपाल फेस्टिभलको उद्घाटन गर्ने छन्।

भोलि हिरोसिमाको भ्रमण गर्ने छन्। अध्यक्ष प्रचण्डले जापानको सत्तारुढ दल लिवरल डेमोक्रेटिक पार्टीका नेताहरूसँग भेटवार्ता गर्ने पनि कार्यक्रम रहेको सचिवालयले जनाएको छ। प्रचण्ड साउन २५ गते स्वदेश फर्कंने छन्।