मेलिना राईको इन्गेजमेन्ट तोडियो

गायिका मेलिना राईले प्रेमी सञ्जीव बराइलीबीचको इंगेजमेन्ट तोडिएको छ।

नेपाल समय | शुक्रबार, साउन २०, २०७९

नेपाल समय

शुक्रबार, साउन २०, २०७९

काठमाडौं- गायिका मेलिना राईले प्रेमी सञ्जीव बराइलीबीचको इंगेजमेन्ट तोडिएको छ। आफूहरुबीच वैचारिक मतभेद देखिन थालेपछि इन्गेजमेन्ट तोड्ने निर्णय गरेको उनले सामाजिक सञ्जालमा लेखेकी छन्।

बराइलीसँग केही महिनाअघि उनले इन्गेजमेन्ट गरेकी थिइन्। ‘इन्गेजमेन्ट गर्नु मेरो जीवनको एउटा गम्भीर निर्णय थियो। एउटा परिस्थितिमा हामी दुईबीच भविष्यमा सँगै जीवन बिताउने सोचसहित त्यो निर्णय गरिएको थियो,’ उनले लेखेकी छन्, ‘समय छोटो भएपनि जिन्दगीको बारेमा लामो विमर्श भयो । हामीबीच वैचारिक रुपमा स्पष्ट मतभेद देखिन थाल्यो अर्थात् हाम्रो विचारमा मेल खान सकेन।’

भविष्यमा अझ मेहनत गरेर सांगीतिक क्षेत्रबाट देशको सेवा गर्ने उनको भनाइ छ। वैशाख २ गते मेलिनाले सञ्जीवसँग इन्गेजमेन्ट गरेको तस्वीर सार्वजनिक भएको थियो।

प्रकाशित: Aug 05, 2022| 18:02 शुक्रबार, साउन २०, २०७९