काठमाडौं- ललितपुरको पुल्चोकमा एक व्यक्ति मृत फेला परेका छन्। बुधबार बिहान पुल्चोकस्थित एक घरमा डेरा गरी बसेका पुरुष मृत फेला परेका हुन्।
जिल्ला प्रहरी परिसर ललितपुरका प्रहरी नायब उपरीक्षक अंगुर जिसीले आफ्नै कोठामा झुन्डिएको अवस्थामा एक व्यक्तिको शव फेला परेको बताए। उनको पहिचान खुलिनसकेको बताएको छ। पुल्चोक क्षेत्रमा उनी कुमार भनेर चिनिन्थे।
उनको पुल्चोकमा म:म पसल छ। बिहान पसल खोल्न नआएपछि छिमेकीहरू उनलाई घरमा बोलाउन गएका थिए। तर, उनले ढोका खोलेनन्।
ढोका नखोलेपछि स्थानीय आफैंले भर्याङ राखेर उनको कोठामा हेरेका थिए। हेर्दा उनी झुन्डिएको अवस्थामा फेला परेका हुन्। अहिले प्रहरी टोली घटनास्थलमा खटिएको छ।