काठमाडौं– काठमाडौं महानगरका मेयर बालेन्द्र साहले नयाँबानेश्वर क्षेत्रको फुटपाथ अवलोकन गरेका छन्। यसअघि फुटपाथ व्यापार मेयर साहले मंगलबार बिहान त्यसको प्रगतिबारे जानकारी लिएका हुन्।
स्थानीय घरधनी र व्यापारीको सहयोग लिएर मेयर साहले फुटपाथको अवस्थाबारे अवलोकन गरेको नयाँ बानेश्वर व्यापार व्यवसायी संघका अध्यक्ष नवीन लुइँटेलले बताए। अवलोकनका क्रममा मेयर साहले अन्डरग्राउन्ड पार्किङमा सटर राखेर गरिएका व्यापार हटाउन निर्देशन दिएका छन्।
संघ अध्यक्ष लुइँटेलका अनुसार बानेश्वर क्षेत्रमा करिब २२ वटा भवनमा अन्डरग्राउन्ड पार्किङको नक्सा पास गरेर संरचना बनाइएको छ। यसअघि काठमाडौं महानगरले सूचना निकालेर अन्डरग्राउन्ड पार्किङलाई अन्य प्रयोजनका लागि प्रयोग नगर्न निर्देशन दिएको थियो।