देशैभर कमेडी टुरमा निस्किँदै चलचित्र प्रकाशको टिम

बटुवा कमेडी अनि कमेडी टुकटुकसँगको सहकार्यमा पाँच हाँस्य कलाकारका साथमा प्रकाशले आफ्नो प्रचार–प्रसारलाई अगाडि बढाएको हो।

नेपाल समय | बिहीबार, असार ३०, २०७९

नेपाल समय

बिहीबार, असार ३०, २०७९

देशैभर कमेडी टुरमा निस्किँदै चलचित्र प्रकाशको टिम

काठमाडौं– चलचित्र प्रकाशको टिमले ‘टेबलमुनिबाट कमेडी टुर’ नाम दिएर प्रसार–प्रचारलाई तीव्र बनाएको छ।

असार ३१ मा चितवनको बोस्टन कलेजबाट सुरु पहिलो कार्यक्रम गरी कमेडी टुर दोडाइनेछ।

निर्माण पक्षका अनुसार असार ३१ र ३२ मा चितवनको भरतपुर, साउन ६ र ७ मा बुटवल, साउन १३ र १४ मा पोखरा, साउन २० र २१ मा विराटनगर, साउन २७ र २८ मा हेटौंडा र भदौ ३, ४ र ५ मा काठमाडौंमा कार्यक्रम हुनेछ।

भदौ १० गते प्रदर्शनमा आउने चलचित्र प्रकाशमा नायक प्रदीप खड्कासहित अन्य कलाकार र केमेडियन आदर्श मिश्रा, आयुष श्रेष्ठ, एलेनजंग राणा, आशीष घिमिरे र पुजन अधिकारी सहभागी हुनेछन् भने काठमाडौंमा अन्य कलाकार पनि सहभागी हुने जनाइएको छ।

दिनेश राउतको निर्देशन रहेको चलचित्रमा प्रदीप खड्का, दिया मास्के, रेणु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाहीलगायत कलाकारको अभिनय रहेको छ।

प्रकाशित: Jul 14, 2022| 12:01 बिहीबार, असार ३०, २०७९