काठमाडौं- बाजुराको बुढीगंगा नगरपालिकामा केहीबेरमा मतगणना सुरु हुने भएको छ।
मतगणनाको लागि अहिले सर्वदलीय बैठक बसिरहेको र बैठकपछि मतगणना सुरु हुने निर्वाचन अधिकृतको कार्यालयले जनाएको छ। निर्वाचन अधिकृत लक्षण कडायतले सर्वदलीय बैठकले मतगणना गर्ने सहमति गरेसँगै मत गन्न सुरु गरिने बताए।
उनले ढिलोमा नौ बजेबाट मतगणना सुरु भइसक्ने बताएका छन्। बुढीगंगामा वैशाख ३० गते भएको निर्वाचन रद्द भएपछि बिहीबार पुनः मतदान भएको थियो।
बिहीबार भएको पुनः मतदानमा ६६.८३ प्रतिशत मत खसेको छ। नगरप्रमुखमा नेपाली कांग्रेसबाट रङ्गबहादुर खाती र एमालेबाट रामबहादुर बानियाँ उमेदवार छन्।