काठमाडौं- नेपाल कम्युनिस्ट पार्टी (नेकपा)का महासचिव नेत्रविक्रम चन्द (विप्लव)ले न्यायाधीशलाई घरबाट थुतेर कुट्नुपर्ने बताएका छन्। जेल परेका आफ्ना पार्टीका कार्यकर्तालाई १० लाखसम्म धरौटी माग्ने न्यायाधीशलाई घरबाटै थुतेर कुट्नुपर्ने उनले बताएका हुन्।
‘एमसीसीविरुद्ध हामी टाउको फुटुन्जेल लड्यौं। हामीले त हात भाँचिउन्जले लड्यौं। खुट्टा भाँचिउन्जेल लड्यौं। हाम्रा साथीहरु जेल पर्नु भयो,' उनले भने, 'धरौटी पनि कति माग्ने? १० लाख माग्ने क्या! एउटा विद्यार्थीलाई १० लाख, ५ लाख धरौटी तोक्ने न्यायाधीश को हो? एउटा पढिरहेको विद्यार्थीलाई १० लाख, ५ लाख धरौटी माग्ने, यो न्यायाधीश को हो? यिनको त घरघर गएर थुतेर कुट्नुपर्छ क्या यिनलाई।’
प्रकाशित: Jul 06, 2022| 18:23 बुधबार, असार २२, २०७९
