अर्थमन्त्रीबारे छानबिन गर्न विशेष संसदीय समिति गठन

अर्थमन्त्री जनार्दन शर्माबारे छानबिन गर्न संसदीय समिति गठन भएको छ।

नेपाल समय | बुधबार, असार २२, २०७९

नेपाल समय

बुधबार, असार २२, २०७९

अर्थमन्त्रीबारे छानबिन गर्न विशेष संसदीय समिति गठन

अर्थमन्त्री जनार्दन शर्मा

काठमाडौं– अर्थमन्त्री जनार्दन शर्माबारे छानबिन गर्न संसदीय समिति गठन भएको छ। सभामुख अग्निप्रसाद सापकोटाले आजको प्रतिनिधिसभा बैठकमा समिति गठनको प्रस्ताव गरेका हुन्। उक्त प्रस्ताव सर्वसम्मतले पारित भएको छ।

संसदीय छानबिन विशेष समिति नाम दिइएको उक्त समितिमा सांसदहरु खगराज अधिकारी, देव गुरुङ, पुष्पा भुसाल, प्रदीप ज्ञवाली, भानुभक्त ढकाल, विमला बिक, लक्ष्मणलाल कर्ण, शक्ति बस्नेत, सरला यादव, सीताराम महतो र सुरेन्द्र यादव छन्।

दिउँसो २ बजेका लागि बोलाइएको प्रतिनिधिसभाको बैठक अपराह्न ४ बजे सुरु भएको छ। प्रमुख प्रतिपक्षी दल नेकपा एमालेले अर्थमन्त्री जनार्दन शर्माको राजीनामा वा बर्खास्ती माग गर्दै बैठक अवरुद्ध गर्ने बताएपछि बैठक बस्न ढिलो भएको हो।

बिहान ११ बजेका लागि बोलाइएको बैठक दिउँसो दुई बजेका लागि सारिएको थियो।

प्रकाशित: Jul 06, 2022| 16:04 बुधबार, असार २२, २०७९