काठमाडौं- नेपाली कांग्रेसका उपसभापति पूर्णबहादुर खड्काले अर्थमन्त्री जनार्दन शर्मामाथि छानबिन गर्न माग गरेका छन्।
सामाजिक सब्जालमार्फत अर्थमन्त्री जनार्दन शर्मामाथि लागेको आरोपका विषयमा छानबिन गरिनुपर्ने उनले बताए।
जारी विवाद संसदीय छानबिन समिति गठन गरेर टुंगो लगाउनुपर्ने उनको धारणा छ। अर्थमन्त्री शर्माको नाम नलिएर खड्काले लागेका आरोपबारे यथार्थ कुरा सार्वजनिक गरिनुपर्ने बताएका हुन्।
'बजेट निर्माणको बेलाको विषय समेतलाई जोडेर संसद र आमजनमानसको गम्भीर चासोको विषय बनिसकेपछि यो विषयलाई विश्वासिलो तरिकाले समाधान गर्न संसदीय छानबिन समिति बनाएर यथार्थ कुरा सार्वजनिक गरिनु ठीक हुन्छ’, उनले भनेका छन्, ‘विगतमा पनि संसदको यस्तो परम्परा छ। बरु ढिलो नगरौं आजै टुंगो लगाऊँ।’
प्रकाशित: Jul 06, 2022| 11:15 बुधबार, असार २२, २०७९
