काठमाडौं- नेपाली कांग्रेसको पदाधिकारी बैठक मंगलबार दिउँसो एक बजे पार्टी कार्यालय सानेपामा बस्ने भएको छ।
समसामयिक राजनीति, केही भ्रातृ संस्थाका विधान टुंग्याउने र केन्द्रीय समितिका लागि एजेन्डा तय गर्नेबारे पदाधिकारी बैठक बस्न लागेको हो।
प्रधानमन्त्री तथा पार्टी सभापति शेरबहादुर देउवाले पदाधिकारी बैठक राखेका हुन्।
कांग्रेसमा पदाधिकारी संख्या १४ छ। तर कोषाध्यक्ष मनोनीत हुन बाँकी छ। निर्वाचित केन्द्रीय सदस्यमध्येबाट एक जनालाई सभापति देउवाले कोषाध्यक्ष मनोनीत गर्नुपर्ने भए पनि अहिलेसम्म मनोनीत गरेका छैनन्। विधानअनुसार छ महिनाभित्र मनोनीत गरिसक्नुपर्छ।
प्रकाशित: Jul 05, 2022| 07:35 मंगलबार, असार २१, २०७९
