कांग्रेसका पाका नेतासँग शेखरको छलफल

काठमाडौं- नेपाली कांग्रेसका नेता शेखर कोइरालाले पार्टीका पाका नेताहरुसँग भेट गरेका छन्। नेता कोइरालाले कांग्रेसका पुराना नेताहरुसँग पार्टीको पछिल्लो अवस्थाका बारेमा छलफल गरेका उनका सहयोगी दिनेशचन्द्र थपलियाले जानकारी दिए। 

उनका अनुसार छलफलमा कांग्रेस केन्द्रीय सदस्य बल बहादुसर केसी, नेताहरु- तारानाथ रानाभाट, चिरञ्जीवी वाग्ले, ओमकार श्रेष्ठ, बिनयध्वज चन्द, बिपिन कोइराला सहभागी थिए। 

यसअघि शेखरले आफ्नो समूहको बैठक बोलाएर प्रधानमन्त्रीसमेत रहेका पार्टी सभापति शेरबहादुर देउवाविरुद्ध देशव्यापी अभियान चलाउने निर्णय गरेका थिए। देउवा पार्टीको मात्र नभएक गठबन्धनको सभापतिजस्तो भएको उनको समूहको निष्कर्ष थियो।

पार्टीको महाधिवेशन भएको ६ महिना बितिसक्दा पनि विभागहरु गठन नगरेको, कोषाध्यक्ष मनोनित गर्न नसकेको र केन्द्रीय कमिटीलाई पनि पूर्णता नदिएको शेखर समूहले आरोप लगाएका थिए।