शाओमीको रेड्मी नोट ११ प्रो नेपाली बजारमा

काठमाडौं– शाओमीले रेड्मी नोट ११ प्रो नेपाली बजारमा सार्वजनिक गरेको छ। रेड्मी नोट ११ प्रोमा उत्कृष्ट क्यामेरा र छिटो चार्ज हुने ब्याट्री रहेको कम्पनीको दाबी छ।

शाओमी नेपालका कन्ट्री जेनेरल म्यानेजर अमित कुमार पंडाका अनुसार उत्कृष्ट क्यामेरा, उच्च रिजोलुसनसहितको डिस्प्ले, उच्च कार्यसम्पादन र पावर–प्याक ब्याट्रीका साथ रेड्मी नोट ११ प्रो बजारमा आएको छ। रेड्मी नोट ११ प्रोमा रहेको रियर क्वाड क्यामेरा सेटअपले उत्कृष्ट फोटोग्राफी अनुभव प्रदान गर्ने विज्ञप्तीमा उल्लेख छ।

पावर अपको लागि यसमा मिडियाटेक हेलियो जी ९६ प्रोसेसर रहेको र यसको फ्ल्यागसिप ६७ डब्लु टर्बो चार्जिङले १५ मिनेटमै ५१ प्रतिशतसम्म ब्याट्री चार्ज गरिदिने कम्पनीको भनाइ छ । ट्रेन्डी फ्ल्याट–एज डिजाइनको डिस्प्ले र डुअल सुपर लिनियर स्पिकरहरूको साथमा रेड्मी नोट ११ प्रोले गेमिङ वा भिडियोका लागि इमर्सिभ स्टेरियो साउन्ड प्रदान गर्ने जनाइएको छ । ग्रेफाइट ग्रे, पोलर ह्वाइट, स्टार ब्लु गरी तीन रंगमा उपलब्ध यी फोनको मूल्य क्रमशः ३४,९९९ रुपैयाँ र ३६,९९९ रुपैयाँ तोकिएको छ ।