शेखर समूहले बोलायो बैठक, देउवामाथि दबाब बढाउने प्रयास

कोइरालाले बिहीबार दिउँसो २ बजे बत्तिसपुतलीमा आफू पक्षीय नेताहरुको बैठक बोलाएका हुन्।

नेपाल समय | बिहीबार, असार १६, २०७९

नेपाल समय

बिहीबार, असार १६, २०७९

शेखर समूहले बोलायो बैठक, देउवामाथि दबाब बढाउने प्रयास

काठमाडौं- नेपाली कांग्रेसका नेता डा. शेखर कोइरालाले आफू पक्षीय नेताहरुको भेला बोलाएका छन्। कोइरालाले बिहीबार दिउँसो २ बजे बत्तिसपुतलीमा आफू पक्षीय नेताहरुको बैठक बोलाएका हुन्।

शेखर समूहले पार्टी सभापति शेरबहादुर देउवामाथि दबाब बढाउन बैठक बोलाएको हो।

देउवाले विधान अनुसार पार्टी संचालन नगरेकोमा शेखर समूह असन्तुष्ट छ। भ्रातृ संस्थाको नेतृत्व चयन, विभाग गठन, नीति महाधिवेशन लगायतका विषयमा सभापति देउवाले विधान कार्यान्वयन नगरेको भन्दै शेखर समूह देउवासँग असन्तुष्ट छ।

महाधिवेशन सम्पन्न भएको ६ महिनाभित्र पार्टीका समिति र विभागहरु गठन गरिसक्नुपर्ने विधानमा व्यवस्था भए पनि ती कामलाई पूर्णता दिन नसकेपछि सभापति देउवाको आलोचना भएको छ।

प्रकाशित: Jun 30, 2022| 10:38 बिहीबार, असार १६, २०७९