काठमाडौं– नेपाली कांग्रेसका नेता रामचन्द्र पौडेलले नेताहरुले बोलीअनुसारको व्यवहार गर्न नसकेको बताएका छन्। उनले नेताहरुले समाजवादको कुरा गरे पनि त्यसअनुसारको व्यवहार नगरेको बताएका हुन्।
सोमबार काठमाडौंमा आयोजित नेपालमा समाजवादः चुनौती र सम्भावना विषयक कार्यक्रममा उनले नेताहरुको व्यवहार र बोलीमा एकरुपता नभएको बताए।
उनले मन्त्री बन्न सबैको पालो पुर्याउन खोज्नु समाजवादी चरित्र नभएको बताए। ‘रामकुमारी झाँक्रीलाई धरधरी रुवाएर समाजवाद आउँछ? हाम्रो चरित्र, आचार र व्यवहारमा समाजवाद छ कि छैन, त्यो महत्वपूर्ण हो,’ उनले भने, ‘हाम्रो संस्कार बदलिनुपर्छ, नेता बदलिनुपर्छ, कार्यकर्ता बदलिनुपर्छ।’
नेकपा एकीकृत समाजवादी पार्टीले फिर्ता बोलाएपछि राजीनामा दिएकी झाँक्री आइतबार आफ्नो मन्त्रालयमा आयोजित बिदाइ कार्यक्रममा
रोएकी थिइन्।
प्रकाशित: Jun 27, 2022| 16:45 सोमबार, असार १३, २०७९
