काठमाडौं- नेत्रविक्रम चन्द ‘विप्लव’ले नेतृत्व गरेको नेपाल कम्युनिस्ट पार्टी (नेकपा) का चार नेताले सामूहिक राजीनामा दिएका छन्।
पार्टीका पूर्वपोलिटब्युरो सदस्य सेती–महाकाली इन्चार्ज ओमप्रकाश पुनसहित नवौं महाधिवेशन आयोजक कमिटी सदस्य तथा महाकाली इन्चार्ज दलबहादुर धामी, पूर्वकेन्द्रीय सदस्य तथा सेती इन्चार्ज शंकरबहादुर खड्का र दार्चुला तथा कञ्चनपुरका पूर्व इन्चार्ज एवं विशेष कमिटी सदस्यले सामूहिक राजीनामा दिएको विज्ञप्तिमार्फत जानकारी दिएका छन्।
विभाजित अवस्थामा रहेको माओवादी धारलाई एकीकृत र ध्रुवीकृत गर्ने व्यक्तिगत र सामूहिक आवश्यकतालाई महसुस गरी विप्लव नेतृत्वको नेपाल कम्युनिस्ट पार्टीबाट अलग हुने निर्णय गरेको विज्ञप्तिमा जनाइएको छ।
