काठमाडौं– पेट्रोलियम पदार्थमा भएको मूल्यवृद्धिको विरोधमा नेकपा एमालेको विद्यार्थी संगठन अनेरास्ववियुको त्रिवि कमिटीले त्रिभुवन विश्वविद्यालय केन्द्रीय क्याम्पसको गेट अगाडि प्रदर्शन गरेको छ।
आज बुधबार बिहान एक घण्टा अनेरास्ववियुले मूल्यवृद्धि फिर्ता गर्न माग गर्दै मुखमा कालोपट्टी बाँधेर सांकेतिक विरोध गरेको हो।
मूल्यवृद्धि फिर्ताको माग राख्दै प्लेकार्ड बोकेर सरकारविरुद्ध मौन आन्दोलन गरेको अनेरास्ववियु त्रिविले जनाएको छ। अनेरास्ववियुले पेट्रोलियम पदार्थको मूल्यवृद्धि फिर्ता नभएसम्म निरन्तर विरोध गर्ने जनाएको छ।
प्रकाशित: Jun 22, 2022| 12:57 बुधबार, असार ८, २०७९
