थापाले ल्याइन 'माइतीको आगनी'

सञ्चारकर्मी सिर्जना थापा खनालले नयाँ तीज गीत माइतीको आगनी लिएर दर्शक तथा स्रोतामाझ आएकी छन् । 

'माइती घरको आगनी' बोलको तीज गीतमा ढल्की ढल्की नाचौँ भन्दै नव गायिका थापाले ल्याएको गीत सामाजिक सञ्जाल युट्युबमार्फत सार्वजनिक गरिएको छ ।

थापाको आफ्नै स्वर, शब्द र संगीत रहेको गीतलाई म्युजिक नेपालले बजारमा ल्याएको हो । तीजमा माइत जान पाउँदाको खुशीलाई गायिका थापाले गीतमार्फत प्रस्तुत गरेकी छन् । 

गीतको भिडियोलाई उदिराम खड्काले निर्देशन गरेका हुन् भने हरिनारायण चौधरीले खिचेको दृश्यलार्इ विवेक खड्काले सम्पादन गरेका छन् ।