सांसद आशाकुमारी विकले मागिन् गृहमन्त्रीको राजीनामा

देशमा शान्ति सुरक्षा कायम गर्न नसकेको संसदमा भन्दै गृहमन्त्री बालकृष्ण खाँणको राजीनामा मागिएको छ।

नेपाल समय | बुधबार, जेठ २५, २०७९

नेपाल समय

बुधबार, जेठ २५, २०७९

काठमाडौं- देशमा शान्ति सुरक्षा कायम गर्न नसकेको संसदमा भन्दै गृहमन्त्री बालकृष्ण खाँणको राजीनामा मागिएको छ।

प्रतिनिधिसभाको बुधबार बसेको बैठकको विशेष समयमा बोल्दै प्रमुख प्रतिपक्षी दल नेकपा एमालेकी सांसद आशाकुमारी विकले देशभर बलात्कारका घटना बढ्नुले देशमा शान्ति सुरक्षा नरहेको स्पष्ट भएको बताइन्।

'दिनहुँ देशमा बलात्कारका घटना बढिरहेका छन्। थुनामा रहेका कैदीको रहस्यमय मृत्यु भइरहेको छ। यसले मुलुकमा शान्ति सुरक्षा कायम हुन नसकेको स्पष्ट भएको,' उनले भनिन्, 'बलात्कार र हिंसाका घटना टुलुटुलु हेरेर बस्ने गृहमन्त्रीले अब राजीनामा दिनुपर्छ।’

रोल्पा कारागारमा सुन्दर हरिजनको मृत्यु भएको र यसरी अशान्ति टुलुटुली हेरेर बस्ने गृहमन्त्रीले नैतिकताको आधारमा राजीनामा दिनुपर्ने उनको माग छ।

प्रकाशित: Jun 08, 2022| 12:50 बुधबार, जेठ २५, २०७९