काठमाडौं- प्रधानमन्त्री शेरबहादुर देउवा र सभामुख अग्निप्रसाद सापकोटाबिच भेटवार्ता भएको छ। प्रधानमन्त्री निवास बालुवाटारमा उनीहरूबीच भेटवार्ता भएको हो।
आइतबार अपरान्ह भएको भेटमा प्रतिनिधि सभा अन्तर्गतको राज्य व्यवस्था तथा सुशासन समितिको रिक्त सभापति चयन, सार्वजनिक लेखा समितिको नेतृत्वका सम्बन्धमा छलफल भएको सभामुखको सचिवालयले जानकारी दिएको छ।
यस्तै नागरिकतालगायत विचाराधीन विधेयक र उपसभामुख चयनका विषयमा पनि छलफल भएको सचिवालयको दाबी छ।
नागरिकता विधेयकलाई संसदको यही अधिवेशनबाट टुंगो लगाउनुपर्ने भन्दै दबाब बढेको छ।