'भरतपुरमा विकास भएन भन्ने सुन्नुपरेको छैन, ५ वर्षभित्र अन्तर्राष्ट्रिय क्रिकेट रंगशाला बन्छ'

हालै सम्पन्न स्थानीय तहको निर्वाचनमा ७५३ मध्ये सबैभन्दा बढी चर्चामा रहेको भरतपुर महानगरपालिकामा अन्ततः गठबन्धनको तर्फबाट प्रमुखको उम्मेदवार बन्नुभएकी रेनु दाहाललाई दोस्रोपटक नेतृत्व गर्ने जिम्मेवारी प्राप्त भएको छ। 

निकटतम् प्रतिस्पर्धीभन्दा १२ हजार ४४९ बढी मत ल्याएर महानगर प्रमुखमा निर्वाचित दाहालको अबको कार्यकाल कसरी बित्छ? अघिल्लो कार्यकालमा पूरा हुन नसकेका कामहरू, यसपटक सम्पन्न गर्ने योजना, महानगरवासीको अपेक्षा सम्बोधनका विषयमा  केन्द्रित रहेर नवनिर्वाचित प्रमुख दाहालसँग नारायण ढुङ्गाना र नारायण अधिकारीले काठमाडौँमा भएको भेटमा गर्नुभएको कुराकानीको सम्पादित अंश:

देशको केन्द्र भागमा रहेर पनि भरतपुर विकासमा धेरै पछि परेको थियो। बाटाघाटा बजार क्षेत्रमा मात्रै थिए। ग्रामीण क्षेत्रमा सडक कालोपत्रे थिएन, जीर्ण अवस्थामा थियो। एक सय मिटर कालोपत्रे नभएको वडा पनि थियो। अहिले पाँच वर्षमा हरेक वडामा न्यूनतम २० देखि २५ किलोमिटर र अधिकतम ५०/५५ किलोमिटर कालोपत्रे भएको छ।

हामीले महानगरमा ६२२ किलोमिटर सडक कालोपत्रे गरेका छौं। सडक पूर्वाधारमा मात्रै होइन, शिक्षा, स्वास्थ्य, पर्यटन, कृषिलगायत समग्र क्षेत्रमा सन्तुलित विकासको ‘मोडेल’ दिन सकेका छौं भन्ने लाग्छ।

चुनावमा हार र जित जेसुकै परिणाम आउला तर भरतपुरको योजनाहरूका बारेमा पहल गर्‍यौं र नीति तथा कार्यक्रममा सिंगो चितवनलाई नै विकासमा फड्को मार्ने ढंगले सम्बोधन भएको छ। अनुभवका हिसाबले र समग्र अवस्थाको जानकारीका हिसाबले अबको पाँच वर्ष मेरा लागि अन्तिम अवसर र चुनौती पनि हो।

महानगरवासीको धेरै अपेक्षा छ, ती अपेक्षाअनुसार नै लोकप्रिय मत पनि जनताले दिनुभएको छ। उहाँहरूको अपेक्षा पूरा गर्न कुनै कसर बाँकी राख्न हुन्न भन्ने कुराको गहिरो बोध छ। 

जनताको जे विश्वास पाँच वर्षको अवधिमा प्राप्त गरेको छु, त्यो जनताको विश्वास र म प्रतिको बुझाइ र अपेक्षाका हिसाबले हेर्दा मेरो यहीँ आवश्यकता छ भन्ने कुरा महसुस भयो। धेरै अधुरा काम सम्पन्न गर्नुपर्नेछ। ठूलाठूला गौरवका आयोजनाहरू अघि बढेका छन्। आखिर जसले बच्चा जन्माउँछ, उसैलाई बच्चाको माया बढी लाग्छ नि! 

सिटी हलको जग्गाको कुरा टुङ्ग्याउनु पर्‍यो भन्दा पनि सकारात्मक रूपमा लिइएन। त्यसपछि हामीले अर्काे ढङ्गबाट रङ्गशालाका लागि कृषि विश्वविद्यालय, महानगरसहित त्रिपक्षीय सम्झौता गर्‍यौं। त्यो विषयका लागि मन्त्रिपरिषदमा प्रस्ताव पनि लगेका थियौं। उहाँले सहयोग नगर्दा हामीले अर्काे ढङ्गबाट काम गर्नुपर्‍यो। महानगरको सिटी हलको विषय सबै प्रक्रिया पूरा गरेर लैजान खोज्दा त्यो पनि रोकिएपछि हामीले तलैबाट समस्या समाधान गर्न सक्यौं।