इङ्ल्याण्डसँगको दोस्रो टेष्ट क्रिकेटमा भारत १ सय सात रनमा अलआउट

एजेन्सी-इङ्ल्याण्डसँगको दोस्रो टेष्ट क्रिकेटमा भारत १ सय सात रनमा समिटिएको छ । दोस्रो टेस्टमा समेट खराब प्रदर्शन गर्दै भारतले ३५.२ ओभरमा सबै विकेट गुमायदै १ सय सात रन मात्र जोड्न सकेको हो । 

लर्डसमा घरेलु टोलीले टस जितेर फिल्डिङ रोजेपछि ब्याटिङमा उत्रिएको भारतले पहिलो इनिङ्समा अलआउट हुदै १ सय ७ रन बनायो । जेम्स एन्डरसनले घातक बलिङ गर्दै भारतलाई सस्तैमा समेटे । 

उनले १३.२ ओभर गर्दै २० रन खर्चेर ५ विकेट लिन सफल भए । रविचन्द्रन आश्विनले बनाएको २९ रन टोलीको सर्वाधिक स्कोर रह्यो । ओपनर मुलरी विजयी शुन्य रनमा पवेलियन फर्किएको खेलमा अर्को ओपनर लोकेश राहुलले ८ रन मात्र जोड्न सके । 

चेतेश्वर पुजारा १, विराट कोहली २३, आजिक्या रहाणे १८, हार्दिक पाण्डेया ११ र दिनेश कात्र्तिक १ रनमा आउट भए ।

त्यस्तै कुलदिप यादव र इशान्त शर्मा शुन्य रनमा आउट भए । बर्षाले पहिलो दिनको खेल प्रभावित भएको थियो । दोस्रो दिनको खेलमा धारिलो बलिङ गर्दै इङ्ल्याण्डले दोस्रो टेष्टमा समेत हाबी हुने संकेत गरेको छ । पहिलो टेष्ट इङ्ल्याण्डले ३१ रनले जितेको थियो । पाँच म्याचको सिरिजमा इङ्ल्याण्ड १-० ले अघि छ ।