सिन्धुपाल्चोक- सिन्धुपाल्चोकको बलेफी गाउँपालिका-७ मा एमालेबाट वडा सदस्यका उम्मेदवार बनेका लेखबहादुर तामाङमाथि आक्रमण भएको छ।
उनीमाथि कांग्रेस वडा सभापति नीरबहादुर तामाङ नेतृत्वको समूहले आक्रमण गरेको एमालेको आरोप छ।
शनिबार राति सभाचौरस्थित आफ्नै घरमा सुतिरहेका तामाङमाथि वडा सभापति तामाङ र शेरबहादुर तामाङले आक्रमण गरेको बलेफी एमालेले जनाएको छ।
राति करिब १० बजेतिर घरमै आइ कांग्रेस कार्यकर्ताले कुटपिट गरेको एमालेको आरोप छ। कुटपिटबाट तामाङ घाइते भएका छन्।