वटुको मन्दिरमा पूजाआजा गरेर सिर्जना सिंहले सुरु गरिन् घरदैलो कार्यक्रम

काठमाडौं- काठमाडौं महानगरपालिकामा नेपाली कांग्रेससहितको गठबन्धनबाट मेयर पदमा उम्मेदबारी दिएकी सिर्जना सिंहले आज इन्द्रचोकस्थित वटुको मन्दिरमा पुजाआजा गरेर घरदैलो अभियान सुरु गरेकी छन्।

सिंहले मंगलबार बिहान वटुको मन्दिरमा पुगेर काठमाडौंलाई सफा, स्वस्थ, हराभरा बनाउने प्रतिवद्धताका साथ घरदैलो अभियान सुरु गरेको बताइएको छ।

त्यस क्रममा उनले वर्षौंसम्म सक्रिय राजनीति गरे पनि कहिले पदको अपेक्षा नगरेको बताएकी थिइन्। तर, अब काठमाडौंलाई बनाउने सपना बोकेर आफू महानगरको मेयरमा उठेको उनले बताइन्।

'महानगरको हकमा युवाहरूलाई खेलकुदमा प्रोत्साहन गर्ने, पर्यटकीय,व्यापारिक केन्द्र बनाउने, स्वदेशमै रोजगारको सिर्जना गरेर वैदेशिक रोजगारमा जाने क्रमलाई न्युनीकरण गर्ने लगायतका कामहरू प्राथमिकतामा राख्ने छु,' उनले भनिन्।

उनी कार्यकर्ताहरूको साथमा घरदैलो अभियानमा खटिएकी छन्।