नेकपा एमालेले डोटीमा उम्मेदवारको टुंगो लगायो

काठमाडौं- नेकपा एमाले डोटीले उम्मेदवारको टुंगो लगाएको छ। एमालेले दिपायल सिलगढी नगरपालिकाको प्रमुखमा लक्ष्मण मलासी र उपप्रमुखमा रुपा कठायतलाई उठाउने भएको छ।

शिखर नगरपालिकाको प्रमुखमा भीमबहादुर बलायर र उपप्रमुखमा लक्ष्मी मल्ल, पूर्वीचौकी गाउँपालिकाको अध्यक्षमा कृष्ण कुमार खड्का, उपाध्यक्षमा शारदा साउँद, बढीकेदार गाउँपालिका अध्यक्षमा चक्रवहादुर घर्ति र उपाध्यक्षमा सपना सिराडीलाई उम्मेदवार बनाउने एमालेले जनाएको छ।

त्यस्तै आदर्श गाउँपालिकाको अध्यक्षमा डम्मर वली, उपाध्यक्षमा जानकी खड्का, बोगटान फुड्सिल गाउँपालिका अध्यक्षमा हस्तबहादुर बुढा र उपाध्यक्षमा ज्ञानु मल्ल बमलाई उम्मेदवार बनाइएको छ।

त्यस्तै, जोरायल गाउँपालिकाको अध्यक्षमा दुर्गादत्त ओझा, उपाध्यक्षमा जमुना बोहरा, सायल गाउँपालिका अध्यक्षमा तेजबहादुर डुम्रेल, उपाध्यक्षमा बिष्नादेवी सिंह, केआई सिंह गाउँपालिकाको अध्यक्षमा अध्यक्ष तेजवहादुर माझी र उपाध्यक्षमा धनादेवी कुँवरलाई उम्मेदवार बनाइएको छ।