छक्कापन्जा ३ को ‘पहिलो नम्बरमा’ सार्वजनिक (भिडियो)

काठमाडौं- मल्टी आर्टिस्टको अभिनय रहेको छक्कापन्जा ३ को गीत ‘औंठी बैना मारे मैले पहिलो नम्बरमा’ रिलिज भएको छ । सोमबार एक कार्यक्रमबिच लञ्च गरेको गीतलाई हाइलाइट्स नेपालको आधिकारिक युट्युब च्यानलबाट रिलिज गरिएको हो । 

गीतको भिडियोमा दिपक दिपाको साथै प्रियंका कार्की, माग्ने बुढा, जितु नेपाल, बुद्धी तामाङ, वर्षा रावत, स्वास्तिमा खड्का, संजोग कोइराला, दिपा प्रसाई, सुमन गिरी, को अभिनय रहेको छ । साथै शिवहरि पौडेल, किरण केसी बसन्त भट्ट लगायत पनि देख्न पाइन्छ । 

भिडियो हेर्नुहोस्


गीतलाई संगीतकार दिपक शर्माले कम्पोजन गरेका हुन् । राजेन्द्र थापाको शब्द रहेको गीतमा डेभिड शंकार र विन्दु परियारको स्वर रहेको छ । 

छक्का पन्जाका सबै सिरिजका गीतहरू उत्तिकै हिट रहेका थिए । सुर्के थैली, पूर्व पश्चिम रेल, नाइलनको साडी, म त यता किनारा, सुन न चम्पा जस्ता गीतलाई दर्शकले खुबै रुचाएका थिए । 
यो गीतलाई कविराज गहतराजले कोरियोग्राफ गरेका हुन् । कविराजले पहिलो नम्बरमा एकैसाथ १२ जना मुख्य कलाकारलाई नचाएका छन् । 

दिपाश्री निरौलाद्धारा निर्देशित छक्कापन्जा ३ आउँदो दशैंमा रिलिज गरिदै छ ।