प्रियंकाको इन्गेजमेन्ट ११ वर्ष कान्छा निकजोनसँग

मुम्बइ-बलिवुड कलाकार प्रियंका चोपडाले अमेरिकी गायक निक जोनससँग इन्गेजमेन्ट गरेकी छिन् । 

विगत केही महिनादेखि दुबै डेटमा थिए । प्रियंकाले १८ जुलाई आफ्नो ३६ औं जन्मदिनको अवसर पारेर लण्डनमा सेलेब्रेट गरेकी थिइन् । तर यसको जानकारी सार्वजनिक गरेकी थिइनन् । प्रियंकाको फुपू कामिनी चोपडाले इन्गेजमेन्टबारे सार्वजनिक गरेकी थिइन् । कामिनीले भने, ‘हामी दुई परिवारको निर्णयले खुशी छौं ।’ 

१८ जुलाईका दिन दुबै परिवार प्रियंकाको घरमा उपस्थित थिए । यो भन्दा पहिला प्रियंकाको परिवार निकको घरमा उपस्थित भएका थिए । छिट्ट दुबैको विवाह मिति पनि तय हुने छ ।’

निकसँगको सम्बन्धका कारण प्रियंकाले भारत फिल्म छोडेकी छिन् । भारत फिल्ममा प्रियंकाले काम नगर्ने निर्णय गरेकी छिन् । भारतको टीमको तर्फबाट धेरै प्रेम छ भन्दै निर्देशक अलि अब्बास जफरले शुक्रबार ट्वीटमा लेखेका छन् । 

अब्बासले प्रियंका विवाहबन्धनमा बाधिन लागेको कुरा समेत पक्का गरिदिएका छन् । साथसाथै प्रियंका स्वयम्ले सलमान खानको बिग मुवी भारत छोडेको आफैले निर्णय गरेकी थिइन् । यस फिल्ममा १२ करोड रूपैया भारतीय रूपैया पारिश्रम मागेकी थिइन् । २६ जुलाई भारत फिल्मको युनिटलाई यो निर्णय सुनाएर चकित पारिदिएकी थिइन् ।