विदेशी राष्ट्रप्रमुख वा प्रधानमन्त्री तहको नेपाल भ्रमण छिट्टै हुन्छ : परराष्ट्रमन्त्री खड्का

परराष्ट्रमन्त्री डा. नारायण खड्काले नेपालमा छिट्टै उच्चस्तरीय भ्रमण हुने बताएका छन्।

नेपाल समय | सोमबार, फागुन २३, २०७८

नेपाल समय

सोमबार, फागुन २३, २०७८

विदेशी राष्ट्रप्रमुख वा प्रधानमन्त्री तहको नेपाल भ्रमण छिट्टै हुन्छ : परराष्ट्रमन्त्री खड्का

फाइल तस्बिर

काठमाडौं- परराष्ट्रमन्त्री डा. नारायण खड्काले नेपालमा छिट्टै उच्चस्तरीय भ्रमण हुने बताएका छन्। परराष्ट्रमन्त्री खड्काले सोमबार सिंहदरवारमा पत्रकार सम्मेलन गरी विदेशबाट छिट्टै राष्ट्रप्रमुख वा प्रधानमन्त्री तहको उच्चस्तरीय भ्रमण हुने जानकारी दिएका हुन्।

भ्रमण कसको हुने भन्ने कुरा चाँहि समय आएपछि मात्रै जानकारी गराउने उनको भनाइ थियो। मन्त्री खड्काले खास समय आएपछि सो उच्चस्तरीय भ्रमणबारे पत्रकारहरुलाई आफूले जानकारी गराउने मात्र बताए।

‘उच्चस्तरीय भ्रमणमा राष्ट्रप्रमुख र प्रधानमन्त्रीकै हुन्छ। त्यो चाँहि समय आएपछि यहाँहरुलाई जानकारी हुन्छ नै। अहिले नै भन्दा पनि त्यसलाई खास समयमा हामीहरुले यहाँहरुलाई जानकारी गराउने नै छौं,' उनले भने।

प्रकाशित: Mar 07, 2022| 17:51 सोमबार, फागुन २३, २०७८