माओवादी केन्द्रको सुदूरपश्चिम अध्यक्षमा उत्सव विजयी

धनगढी- नेकपा माओवादी केन्द्र सुदूरपश्चिम प्रदेश समितिको अध्यक्षमा हरिराम चौधरी ‘उत्सव’ विजयी भएका छन्। सुदूरपश्चिम सरकारका पर्यटन मन्त्रीसमेत रहेका मानबहादुर धामी 'सन्तोष'लाई पराजित गर्दै चौधरी विजयी भएका हुन्।

प्रदेश निर्वाचन समितिका अनुसार खसेका २१० मतमध्ये चौधरी ११४ मतका साथ विजयी भएका हुन्। उनका प्रतिद्वन्द्वी धामीले ९३ मत पाएका छन्।

यस्तै अन्य आठ जना पदाधिकारीको पनि निर्वाचनबाट टुंगो लगाइएको छ। प्रदेश समितिको उपाध्यक्षमा अक्कल रावल, मानसिंह माल र रणबहादुर कुँवर विजयी भएका छन्।

सचिवमा जनक बुढा, सह सचिवमा नन्दबहादुर साउद राजेन्द्र, रामबहादुर देवकर र अन्जिता श्रेष्ठ तथा कोषाध्यक्षमा कमल कुमारी शाह विजयी भएका छन्।