सुर्खेत- सुर्खेतको वीरेन्द्रनगरस्थित पर्यटकीयस्थल बुलबुले उद्यानको गेटमा बिहीबार बिहानै बम फेला परेको छ। बिहानै प्रेसर कुकर बम फेला पेरेको प्रहरीले जनाएको छ।
बिहान साढे ८ बजे शंकास्पद वस्तु देखेपछि स्थानीयले प्रहरीलाई खबर गरेका थिए। खबर प्राप्त हुनासाथ उक्त क्षेत्रलाई सुरक्षा दिएर सेनाको बम डिस्पोजल टोलीलाई खबर गरिएको जिल्ला प्रहरी कार्यालय सुर्खेतका डीएसपी रामप्रसाद घर्तीले जानकारी दिए।
‘नो एमसीसी’ लेखिएको अवस्थामा प्रेसर कुकर बम फेला परेको प्रहरीले जनाएको छ। उक्त बम नेपाली सेनाको बम डिस्पोजल टोलीले निष्क्रिय पारिसकेको समेत घर्तीले बताए।