बालुवाटारमा देउवा–बाबुराम भेट

प्रधानमन्त्री तथा नेपाली कांग्रेसका सभापति शेरबहादुर देउवा र जनता समाजवादी पार्टीका संघीय परिषद् अध्यक्ष डा. बाबुराम भट्टराईबीच आज साँझ भेटवार्ता भएको छ।

नेपाल समय | बिहीबार, फागुन १२, २०७८

नेपाल समय

बिहीबार, फागुन १२, २०७८

फाइल तस्बिर

काठमाडौं– प्रधानमन्त्री तथा नेपाली कांग्रेसका सभापति शेरबहादुर देउवा र जनता समाजवादी पार्टीका संघीय परिषद् अध्यक्ष डा. बाबुराम भट्टराईबीच आज साँझ भेटवार्ता भएको छ।

प्रधानमन्त्री निवास बालुवाटारमा उनीहरूबीच भेट भएको भट्टराईका प्रेस सल्लाहकार विश्वदीप पाण्डेले जानकारी दिएका छन्।

संसद्मा टेबुल भएको एमसीसी सम्झौता पारित गर्न प्रधानमन्त्री देउवा राजनीतिक भेटघाटमा व्यस्त छन्। आजको संसद् बैठक स्थगित गरेर देउवा भेटघाटमा जुटेका हुन्। त्यसैक्रममा बाबुरामसाग भेट भएको हो।

जसपाले एमसीसीलाई लिएर प्रष्ट धारणा सार्वजनिक भइसकेको छैन। भट्टराई भने एमसीसी पारित गर्ने पक्षमा छन्। जसपाका अर्का अध्यक्ष उपेन्द्र यादवले खुलेर समर्थन गरेका छैनन्।

प्रकाशित: Feb 24, 2022| 18:54 बिहीबार, फागुन १२, २०७८