युक्रेनमा रहेका सबै नेपाली सुरक्षित छन् : एनआरएनए

गैरआवासीय नेपाली संघ (एनआरएनए) ले युक्रेनमा रहेका नेपालीको सुरक्षाप्रति चिन्ता व्यक्त गरेको छ।

नेपाल समय | बिहीबार, फागुन १२, २०७८

नेपाल समय

बिहीबार, फागुन १२, २०७८

युक्रेनमा रहेका सबै नेपाली सुरक्षित छन् : एनआरएनए

काठमाडौं– गैरआवासीय नेपाली संघ (एनआरएनए) ले युक्रेनमा रहेका नेपालीको सुरक्षाप्रति चिन्ता व्यक्त गरेको छ। एनआरएनएले बिहीबार विज्ञप्ति जारी गर्दै अहिलेसम्म त्यहाँ रहेका नेपाली सुरक्षित रहेको जनाउँदै चिन्ता व्यक्त गरेको हो ।

‘युक्रेनमा रहनुभएका ३८ जना नेपालीहरु राष्ट्रिय समन्वय परिषद् युक्रेनको सम्पर्कमा रहेका छन्। उहाँहरु युक्रेनमै लामो समयदेखि स्थायी बसोबास गर्दै आउनुभएको छ। युक्रेनमा पछिल्लो विकसित घटनाक्रमबीच उहाँहरु सबै सकुशल रहनुभएको खबर प्राप्त भएको छ,’ एनआरएनएद्वारा जारी विज्ञप्तिमा उल्लेख छ।

एनआरएनएले युक्रेनमा रहेका नेपालीलाई स्वदेश फर्कन आग्रह गरेको छ। ‘युक्रेनमा ४४ जना विद्यार्थी र ट्रान्जिटमा २०० भन्दा बढी नेपालीहरु रहेको जानकारी प्राप्त भएको छ। त्यहाँस्थित सबै नेपालीहरुलाई आफ्नो अवस्थाबारे राष्ट्रिय समन्वय परिषद् युक्रेनमा जानकारी गराउनुहुन अनुरोध गर्दछौं,’ एनआरएनएले भनेको छ।

परराष्ट्र मन्त्रालयले पनि युक्रेनको भ्रमण नगर्न र सकेसम्म स्वदेश फर्कन अनुरोध गरेको छ। त्यहाँ नेपाली दूतावास नभएकाले जर्मनीको बर्लिन वा मस्कोस्थित नेपाली दूतावासमा सम्पर्क गर्न भनिएको छ।

प्रकाशित: Feb 24, 2022| 16:16 बिहीबार, फागुन १२, २०७८