कुलमान घिसिङकी श्रीमती राप्रपा धादिङको उपाध्यक्षमा चयन

धादिङका अध्यक्ष ध्रुव खनालले कार्यसमिति सदस्यहरुबाट पदाधिकार मनोनयन गर्ने विधान अनुसार तामाङ उपाध्यक्षमा चयन भएकी हुन्।

नेपाल समय | बिहीबार, फागुन १२, २०७८

नेपाल समय

बिहीबार, फागुन १२, २०७८

कुलमान घिसिङकी श्रीमती राप्रपा धादिङको उपाध्यक्षमा चयन

काठमाडौं- नेपाल विद्युत् प्राधिकरणका प्रमुख कार्यकारी निर्देशक कुलमान घिसिङकी पत्नी दीपा तामाङ राष्ट्रिय प्रजातन्त्र पार्टी (राप्रपा)को धादिङ जिल्ला उपाध्यक्षमा चयन भएकी छन्।

धादिङका अध्यक्ष ध्रुव खनालले कार्यसमिति सदस्यहरुबाट पदाधिकार मनोनयन गर्ने विधान अनुसार तामाङ उपाध्यक्षमा चयन भएकी हुन्। यसैगरी राप्रपा धादिङको अर्का उपाध्यक्षमा बेनीघाट रोराङका शालिकराम सिलवाललाई चयन गरिएको छ।

राप्रपा धादिङले जिल्ला अधिबेशनमा निर्वाचित २९ जना र विधान अनुरुप मनोनित १८ जना गरी ४७ जनाको जिल्ला कमिटी बनाएको छ। राप्रपा धादिङको गत कात्तिकमा सम्पन्न अधिवेशनबाट ध्रुब खनाल अध्यक्षसहित ३१ जना निर्वाचित भएका थिए।

प्रकाशित: Feb 24, 2022| 10:41 बिहीबार, फागुन १२, २०७८