धनगढी- कैलालीमा विवाह भोजमा कुटपिटबाट घाइतेको उपचारको क्रममा मृत्यु भएपछि कुटपिटमा संलग्न दुई जना पक्राउ परेका छन्। पक्राउ पर्नेमा भजनी नगरपालिका वडा नम्बर ९ बस्ने दिनेश बिष्ट र लक्ष्मण बराल पक्राउ परेको जिल्ला प्रहरी कार्यालय कैलालीले जनाएको छ।
भजनी नगरपालिका वडा नम्बर ९ मा विवाह भोजमा नाचगान गर्ने क्रममा विवाद हुँदा कुटपिटबाट घाइते भएका सोही ठाउँका २६ वर्षीय बसन्त चौधरीको मृत्यु भएको थियो।
फागुन ७ गते कुटपिटबाट घाइते भएका चौधरीको सुख्खडस्थित घोडाघोडी अस्पतालमा सामान्य उपचारपछि थप उपचारको लागि कोहलपुर लगिएको थियो।
उनको ८ गते मृत्यु भएको प्रहरीले जनाएको छ। पक्राउ परेकाहरुलाई नियन्त्रणमा लिएर कर्तव्य ज्यान मुद्धामा म्याद थप गरी कारवाही अगाडि बढाइएको बताइएको छ। घटनामा संलग्न अन्यको खोजीकार्य भइरहेको प्रहरीले जनाएको छ।