बैंकिङ कसुरमा २२ लाख जरिवाना तोकिएका फरार प्रतिवादी पक्राउ

काठमाडौं- बैंकिङ कसुरुमा २२ लाख रुपैयाँ जरिवानासहित ५ दिन कैद सजाय तोकिएका एक जना फरार प्रतिवादी पक्राउ परेका छन्। पक्राउ पर्नेमा जिल्ला नुवाकोट शिवपुरी गाउँपालिका-८ का ४३ वर्षीय राम प्रसाद पाण्डे छन्। प्रहरीको केन्द्रीय अनुसन्धान ब्युरोले फागुन ९ गते उनलाई नेपालटार काठमाडौंबाट पक्राउ गरेको हो। 

बैंकिङ कसुरमा प्रतिवादी भएपनि पाण्डे फरार सहँदै काठमाडौंको तारकेश्वर-१० मनमैजुमा सृष्टि प्रफुल सप्लायर्स संचालन गर्दै आएका थिए। उनले एनआईसी बैंक लिमिटेड, मनमैजु शाखामा रहेको खातामा पर्याप्त रकम नै  नराखी झुक्याएर चेक दिएका थिए। तर चेकबाट रकम भुक्तानी नभएपछि पीडितले प्रहरीमा उजुरी दिएका थिए।

प्रहरीले पाण्डेविरुद्ध मुद्दा चलाएर पाण्डेमाथि माघ २ गते अदालतले २२ लाख जरिवाना सहित ५ दिन कैदको फैसला सुनाएको थियो। उनलाई ललितपुर जिल्ला अदालतमा पेस गरिएको ब्युरोका  प्रहरी उपरीक्षक कमल थापाले जानकारी दिएका छन्।